“ايد ثانية” !

احنا متعودين على استعمال هاد المصطلح بكل ما يخص الادوات الكهربائية و السيارات، مجتمعنا العربي الذكوري الي عايش بايام الجاهلية استعار هذا المصطلح و صار يستعمله مع النساء.

في عنا مصطلح اسمه بنت/ امرأة “ايد اولى”.
شو يعني ؟
يعني اذا انت ارملة او مطلقة او ممرتي بحالة اغتصاب لا سمح الله او مارستي العلاقة في اطار غير الزواج انت “ايد ثانية”.

بعالم الكهربائيات ايد ثانية بتمثل غرض قيم يعني بس شخص واحد استعملها و سعرها غالبا بكون عالي، في عالم النساء العربيات “ايد ثانية” بتساوي سيارة نازلة عن الشارع، و لاننا عايشين في مجتمع ذكوري متعصب مصطلح “يد اولى ثانية ثالثة” بنطبق بس على النساء.
لانه الرجال اذا بدنا نعدلهم معدلعم بكون ايد خامسه او سادسة مسموحلهم، الله ما سمح بس احنا كمجتمع ذكوري بنعملهم خصم و معاماة خاصة، والمحترم منهم لما يقرر بتجوز بكون يدور على فتاة “ايد اولى” و احنا خواته و قرباته بنكون ندور معاه و بنقبلش اقل من هيك ! فاجعتنا في مجتمعنا لما النساء بتظلم بعض و بحرضوا على ظلم نساء اخريات !

عن الكاتب
مستشارة تربوية ام لطفل رائع اسمه يحيى ، من الناصرة العليا، اؤمن بالحب و السلام و العيش المشترك، ناشطة سياسية و اجتماعية و تدير بعض صفحات الفيسبوك التي تسعى الى تقريب القلوب و التحاور.
تعليقات