ولد بمشي بالشارع ماسك سيجارة- عادي
بنت بتمشي بالشارع ماسكة سيجارة- البنت قليلة أدب

مش كأنه الدخان بضر الجنسين، شكله بس بعمل مفعول عل بنات. واكيد البنت البدخن منحطة اخلاقياً اكتر بكتير من الولد.

ولد بمشي بالشارع الساعة ١٠ بالليل- عادي
بنت بتمشي بالشارع الساعة ١٠ بالليل-

لأنه الولد زلمة قد حاله، البنت ما بتقدر اتدافع عن نفسها ضد الولد (المحترم المسموحله يمشي بالليل) اذا هجم عليها.

ولد بين مجموعة بنات- أكيد برقبلهم/عادي
بنت بين مجموعة ولاد- البنت قليلة أدب

لانه اكيد هاي البنت بدها تزبطلها واحد فيهم، ولا لازم نتجوز بكير هون

اخ/جوز بحكي لأخته/مرته انكسحي بالدار/اخرسي- عادي
اخت/مرة بتحكي لأخوها/جوزها انكسح بالدار/اخرس- بتاكللها خبطة

كيف البنت تحكي للزلمة ايش يعمل؟

لما يجيلك شخص-رجل- يحكيلك الدين كرم المرأة بدو اياها اضلها مستريحة قاعدة بالدار، هاد اسمه حكي فاضي، عدا انه شغل الدار مُهلك.

لما يتجوزلك الرجل تنتين او تلاتة، بس بيسمع مرته الاولى حكي لما تحكي كلمة مع زميلها، هاد اسمه اللانسوية

لما البنت تصدق انه هي الحلقة الأضعف في المجتمع وانه هي بتستحق كل شي بصيرلها، هاد هو الخذلان الحقيقي وهاد هو الواقع العايشينه. وهاد الإشي المش عم بخلينا نتقدم. البنت لازم تحرر نفسها من نفسها اولاً. لازم تكسر القيود المجتمعية الذكورية، ومش تستنا كلمات التحرير من الذكور او الاجانب.

,ألآراء, الوقائع والمحتوى المطروحين هنا يعكسون المؤلف فقط لا غير. موقع تايمز أوف اسرائيل لا يتحمل أي مسؤولية, عن حالات ألاسائة أبلغ هنا.